ARGAZKI ERREPORTAJEA

Itxarkundiaren emanaldia: musukoak soinean, hankak airean

Izar Mendiguren Cosgaya 2020ko abuztuaren 17a
Deskargatu Info Ahotsak :

Dantza emanaldia eskaini zuen atzo Laudioko Itxarkundia taldeak Alberto Acero plazan, KultUda ekimenaren baitan. Haurren, gazteen eta helduen taldeek hartu zuten parte.

Musukoak jantzita jalgi ziren plazara atzo Laudioko Itxarkundia dantza taldeko kideak. 19:00etan izan zen emanaldia, udalak dinamizatutako KultUda dinamikaren barruan. Hala, Alberto Aceron segurtasun distantzia bermatzeko esparrua atondu zuten.

Sorgin dantza, sagar dantza, jota zein arin-arinak ikusteko aukera egon zen, besteak beste

Aulkiak beteta, zutik edota inguruko tabernetako terrazetatik jarraitu zuten emanaldia bertaratutakoek. 

Dantza mota ugari

Sorgin dantza, sagar dantza, jota zein arin-arinak ikusteko aukera egon zen, besteak beste. Dantzan, berriz, adin orotariko jendea: haurrak, gazteak eta helduak. Denek ala denek osatu zuten emanaldi borobila, maskaren deserosotasunari aurre eginez. Mikel Barros txistulariak jarri zizkion doinuak emanaldiari batez ere, eta Aitziber Temprano arduradunaren gidaritzapean burutu zuten saioa.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide