Ia 150.000 euro bideratuko ditu urtero udalak Arantzarreko kamioientzako aparkalekuaren kudeaketara

Txabi Alvarado Bañares 2020ko abuztuaren 24a
Deskargatu Info Ahotsak :

101 plaza ditu aparkalekuak. / GoogleMaps

Aparkalekuak 101 plaza ditu guztira. Esleipena urtebetekoa izango da, baina beste hiru urtez luzatu ahalko da.

Arantzarreko kamioientzako aparkalekuaren kudeaketaren lizitazioa atera du Laudioko Udalak. Tokiko erakundeak 148.733,66 euro emango dizkio esleipena irabazten duen enpresari, azpiegituraren kudeaketa bere gain hartzeagatik. Kontratua urtebetekoa izango da, baina beste hiru urtez luzatu ahalko da.

Enpresak hainbat lan egin beharko ditu: aparkalekua zaintzea, garbitzea, nor sartzen den eta nor irteten den kontrolatzea eta arreta telefonikoa eskaintzea, besteak beste.

Lau langile, gutxienez

Zerbitzua urteko egun guztietan eskainiko da, eguneko 24 ordutan zehar. Gauzak hala, enpresak lau langile enplegatu beharko ditu gutxienez aipatutako zereginetara.

Jendartea Laudio
Erlazionatuak
Lizitazioaren dokumentazioa, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide