Gaur prentsaurrekoa eskaini du Laudioko Udalak jakinarazteko webgunea ireki duela bere jardueraren berri emateko. Zehazki, informazio horren oinarria 2019-2023 Legealdi Plana izango da, eta bertan jasotako 11 ardatz.
Hasteko, 2020ko lehen seihileko datuak ikusgai jarri dituzte eta egunero berrituko dituzte. Hemen bisitatu daiteke toki birtuala eta hurrengo astean www.laudio.eus helbidean esteka zabalduko dute.
Interesdunek modu ezberdinetan izango dute informazioa begiratzeko parada. Aipatutako ardatzak jarraiki, sektoreka edo kronologikoki. Edozein bide hautatuta, erabiltzaileak aukera izango du jakiteko zein garapen duen egitasmo eta proiektu bakoitzak.
Ekimena doakoa izan da, Europar Batasunak sustatutako Open Government Partnership iniziatibaren barruan kokatuta baitago. Laudio eta Bilboko Udalak aitzindariak izan dira, eta Europako batzordearekin aztertuko dute bere erabilera. Guztira, EAEko 15 udalek parte hartuko tresnaren proba horretan.
Edonola ere, webgunea oraindik garatzen ari dira eta Ander Larrinaga alkateordeak espero du aukera gehiago ematea etorkizunean.