Gaur eta bihar eskola materialaren elkartasun bilketa egingo du Gurutze Gorriak

Aitor Aspuru Saez 2020ko irailaren 4a
Deskargatu Info Ahotsak :

Gurutze Gorriak hainbat tokitan egiten ditu horrelako bilketak./ Diario.es

Laudioko Eroski supermerkatuan egongo da lekua eskola materialak uzteko.

Laudioko Gurutze Gorriak gaur eta bihar abiatuko du elkartasun bilteka ikasleentzat. Helburua da ikasturterako beharrezkoak diren elementuak jasotzea eta horiek eskuratzeko gaitasunik ez duten herriko familiei ematea. Arkatzak, papera, boligrafoak, artaziak, 20 edota 30 zentimetroko erregelak, motxilak... jasoko dituzte.

Eroski supermerkatuan kokatuko dute bilketa puntua. "Duela bi urte egin genuen eta pentsatu dugu aurtengo krisialdi ekonomikoarekin COVID-19aren ondorioz, egin behar genuela familiak laguntzeko", adierazi du Jose Ramon Padruno Villar Laudioko Gurutze Gorriko presidenteak.

 

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide