EH Bilduk kritikatu du udal gobernu taldeak ekintzak antolatzea jaietan, elkarteenak bertan behera utzita

Herri kirolak antolatuz zituen Laudioko Udalak, besteak beste. / Laudioko Udala

Koalizioaren ustez, EAJ eta PSE-EEren jarrera ez da koherentea izan, herriko elkarteei zuhurtzia eskatu ostean, jai egunetan ekintzak antolatu baitituzte.

EH Bilduk prentsa oharra zabaldu du kritikatzeko EAJ eta PSE-EEren "Ez jaiak". Koalizioaren aburuz, zentzugabea da udal gobernuaren aldetik bideoa plazaratzea zuhurtzia eskatzeko jaietako eragileei eta herritarrei, eta kultUDA egitasmoan jarduerak prestatzea egun nagusienetan, "abuztuaren 16an (Erroke Deuna), 28an (Baserritar eguna), 29an (Odoloste eguna) eta 30ean (Kofradiaren eguna)". 

EH Bilduk uste du herritarren parte hartzerik gabe hartu dituela erabaki guztiak udalak: "Hilaren 14an, gobernu-taldeak bakardadean, pregoi pribatu bat irakurri zuen 'Herria' pregoilara izendatuz, baina aldi berean, herria baztertuz".

Berez, oposizioko taldearentzat "Ez jaien eredua" izan da egungo udal gobernu taldearen prozeduraren ezaugarri: "Propagandan oinarritutako kudeaketa da; kontuan hartu gabe eta alde batean utziz benetako protagonista; hau da, gizarte laudiorra".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide