Entrenatu ezinik harrapatu ditu Lautxirrinka taldeko kideak ikasturte hasierak: "Ez dakigu noiz eta non entrenatuko dugun. Horrek gaur egun loa kentzen digu". Mar Salazarren hitzak dira, "normaltasun" egorara pixkanaka jotzeko esperantzan. "7 hilabete pasatuko dira gutxienez entrenamenduak utzi genituenetik, fisikoki eta mentalki lan pila bat dugu aurrean", dio. Umeentzat kirola egitea eguneroko bizitzaren zati nagusi bat da, haren iritziz, "eta horretan arituko gara hurrengo hilabeteetan, txapelketak 2. mailan geratuko dira momentuz".
"Egoera larria"
Ezin abiatzeak, egoera larrian ipini du irristaketa taldea: "Ez dugu non entrenatu. Gardean obretan daude tenis taldearen pista egiteko frontoian. Laudioko Institutuan, berriz, Eusko Jaurlaritzak esan du ezin direla kantxak utzi eskolaz kanpoko ekintzetarako edo kirola egiteko. Horrela gaude: entrenatu gabe, eta entrenatzailea enplegua erregulatzeko espdientean".
"Kirol gutxitua izanda eta gehienetan emakumezkoen parte hartzearekin; zailagoa da gure egoera"
Patinak utzita, kirol sektorearen ezegonkortasuna azpimarratu du: "Pila bat jende dago kirolari lotua guraso edo langile bezala. Gure kasuan kirol gutxitua izanda eta gehienetan emakumezkoen parte hartzearekin; zailagoa da gure egoera".
Koronabirusaren pandemiak bete-betean irauli eta eten du, beraz, Lautxirrinkaren jarduna. Aiaraldeko Kirol Urtekariaren aurkezpenaren barruan, erakustaldia eskaini zuen taldeak abenduan Amurrio Antzokian: