Abesti eta bideoklip berria plazaratu ditu Yogurinha Borovak, bere ohiko estilotik apur bat aldenduta. Hiri musikaren doinuak, reggaetoi erritmoak eta autotunea uztartu ditu artista laudioarrak oraingoan. “Gazteen musikara gerturatzea” izan du helburu, “beraiei iristeko eta mezua zabaltzeko”.
Mezu argia du Marica kantak. “Maritxuak oso ausartak dira. Maritxua izatea ez da batere erraza, indar eta nortasun handia izan behar duzu”, azaldu du Yogurinha Borovak. Horretara ausartu diren pertsona guztiak omendu nahi izan ditu musikariak. “Horregatik ez naiz ni bideoklipean agertzen. Laudion bizi nintzenean ez nintzen eurak bezain ausarta”.
Abesti berri bakoitza “abentura bat” da Borovarentzat. Oraingoan, Rubén G. Mateos ekoizlearen aritu da elkarlanean. “Berak bazuen sortua abestiaren oinarria. “Probak egiten egon ginen, eta berehala atera zen abestia”.
Bideoklipean, aldiz, Paul Pérez Inza da protagonista nagusia. “Oso argi nuen berarekin egin nahi nuela. Lehen unetik baietz esan zidan, eta gustura aritu gara”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide