Gidari bat erreskatatu behar izan dute Aiarako Suhiltzaileek, autoa irauli ostean

Aitor Aspuru Saez 2020ko irailaren 25a

Ibilgailua zuhaitzen artean geratu da. / Aiarako Suhiltzaileak

12:20an gertatu da istripua A-625 errepidean, Laudio eta Luiaondo artean. Gidaria harrapatuta geratu da auto barruan, errepidetik atera eta irauli ostean.

Gaur eguerdian ezbeharra jazo da A-625 errepidean, Amurrioko noranzkoan, Laudio eta Luiaondo artean. Zehazki, 12:20ak aldera, ibilgailu bat errepidetik atera eta irauli egin da.

Larrialdi zerbitzuak bertaratu dira eta Aiarako Suhiltzaileek gidaria autotik atera dute. "Ateak ezin ziren erabili, eta aurreko kristala ere kendu behar izan dugu esku-ohea sartzeko eta gidaria erreskatatzeko", adierazi dute suhiltzaileek.

Suhiltzaileen aburuz, ez zirudien zauri larririk zuenik gidariak, baina anbulantziak Galdakaoko ospitalera eraman du, ibilgailutik atera eta balorazioa egin eta gero. Jadanik ez dago trafiko arazorik istripua gertatu den tokian.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide