Elkarretaratze jendetsua egin dute Tubacexeko beharginek greba egunean, lantegiaren aurrean

Aitor Aspuru Saez 2020ko urriaren 6a

Gaur 24 orduko lanuztea egin dute Tubacex Taldeko langileek Aiaraldean. Ehunka grebalari batu dira Laudioko lantegiaren aurrean protesta egiteko, zuzendaritzak 150 kaleratze iragarri baititu.

Gaur ordubetez elkartu dira ehunka langile Tubacexeko lantegiaren aurrean Laudion, 12:00etatik aurrera, hain zuzen. Mobilizazio zaratsuarekin ezezko borobila adierazi diote zuzendaritzaren asmoari, trafikoa oztopatzen zuten bitartean.

Izan ere, sindikatuek ziurtatu dute ez dagoela arrazoirik 150 behargin kaleratzeko, ezta egungo lan baldintzak prekarizatzeko ere. Enpresa batzordeko bozeramaileek errepikatu dute zuzendaritzak COVID-19ak sortutako krisialdia baliatu nahi duela mozkinak areagotzeko. Langileen ordezkariek ziurtatu dute lanuztearen jarraipena erabatekoa izan dela Amurrio eta Laudioko faktorietan eta ekoizpena gelditu dutela.

Irailetik asteazkenero egiten dute bilera sindikatuek eta Tubacex taldeko zuzendaritzak. Baina, momentuz, ez dute akordiorik lortu.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide