Laudioko EH Bilduko udal taldeak oharra zabaldu zuen atzo jakinarazteko prestutasun osoa duela akordioa erdiesteko EAJ eta PSE-EErekin 2021eko aurrekontuetan, horien lehenengo fasea abiatu baitu udal gobernu taldeak.
Hori bai, koalizioak hori lortzeko marra gorriak markatu ditu, "krisi soziosanitarioa gehien pairatzen ari direnen bizi-kalitatea hobetuko duten politiketan eta proiektuetan eragiten badu" babestuko dute egitasmoa.
Zentzu horretan, hiru ardatz ezarri dituzte: laudioarren osasuna bermatzea, enplegua eusteko neurriak eta kalitatezko lanpostu berriak sortzea, eta kalitatezko gizarte-politikak abiatzea. "Hori guztia, laudioarrontzako proiektu estrategikoak ahaztu gabe, besteak beste, Antzokia, auzoetako azpiegiturak, Emakumeen etxea, adinekoen zein umeen parke bana estaltzea, pertsona nagusientzako baliabideak handitzea, Kirol instalazioak hobetzea, HAPOa aldatzen hasteko partida zehaztea, eta abar" azpimarratu du EH Bilduk.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
