Laudioko Musika Bandak jardueren etenaldia kritikatu du. "Laudion ere kultura nahi dugu, gure ondarea defenda dezagun!", adierazi dute sare sozialetan. Euskal Herriko zenbait tokitan kontzertuak eskaintzen ari dira, argitu dutuenez, "Zergatik Laudion ez? Nork esaten du kontzertuen denboraldi berria Laudion egin ezin denik?".
Aukerak egon badaude, San Roke bandakoen iritziz: "Nork dio ezin direla kalejirak egin? Benetan ez daudela areto, kiroldegi edo eliza bezalako azpiegiturak kontzertuak egiteko?".
Ildo beretik, 19.000 bizilaguneko udalerriak entseguetarako "baldintza seguruak" ez izatea kritikatu dute. Musikarien aburuz, onura asko eragiten dituzte emanaldiek, eta ez dute ulertzen "Udal Musika eskolarik ez egotea". 120 urte baino gehiago daramatza Laudioko taldeak "nahiko banda duina egiten", eta beraz, "hau sinestezina zaigu".
Hargatik, kultura segurua dela azpimarratu dute, "kontua babestea da. Aski da aitzakiez, zain dezagun kultura, segurua da eta posible da!".
Aiaraldea Komunikabideak udako udalaren egitarauaren barruan eskainitako kontzertua grabatu zuen uztailaren 26an: