Kultur sorkuntza Aiaraldean

Euskal Film Labur Onenaren Sari Nagusia jaso du Esti Urresolaren “Polvo somos” lanak Zinebi jaialdian

Esti Urresola -ezkerrean fondoan- filmaren grabaketaren une batean. / Marina Palacio

SGAE Fundazioaren sari bat ere jaso du filma laburrak, gidoiagatik. 

Arrakasta nabarmena izan du Esti Urresolaren Polvo somos pelikulak Zinebi jaialdian. Bi sari eskuratu ditu: euskal gidoi onenaren saria (SGAE Fundazioak ematen duena) eta Euskal Film Labur Onenaren Sari Nagusia. “Lehen saria ez genuen inondik inora espero, baina bigarrena jaso dugunean sopresa izugarria izan da, negar eta guzti egin dut”, azaldu du Esti Urresolak. Pantailaren beste aldetik jarraitu du zinemagile laudioarrak sari banaketa, aurtengo edizioa Internet bidez egin baita. 

Honegatik eman dio epaimahaiak saria Urresolaren lanari: “Aktoreen zuzendaritza lanarengatik, gidoiaren garapenarengatik, eta gure gizartearen merkantilizazioa heriotzara, hau da, hileta erritora ere iristen dela kritikatzen duen istorio bat eszenaratzeagatik; umore beltzezko ukitu batez ondutako proposamena da”. 

Zinebi jaialdia “oso berezia” da Urresolarentzat. “Unibertsitatean ikus-entzunezko komunikazioa ikasten nuenean irakasle batek beti lortzen zizkigun filma laburren proiekzioetara joateko sarrerak, oso esperientzia aberasgarria izaten zen”. Gauzak hala, urte batzuk beranduago jaialdi horretako sari nagusietako bat eskuratzea oso positiboa izan da laudioarrarentzat, “are gehiago nire ekoiztetxe propioarekin sortutako pelikula bat dela kontuan hartuta”. 

Jaialdi gehiago helburu

Bilboko jaialdian ikusi ahal izan da Polvo somos lehenbiziko aldiz, baina beste lehiaketa batzuetara aurkezteko asmoa dutela iragarri du laudioarrak. “Kataluaniako distribuidora bateko kideekin lan egiten gabiltza. Filma zabaltzeko estrategia garatu dute eta erabateko konfiantza dugu eurengan”. Urte eta erdiko ibilbide garatzen zaio pelikulari jaialdi batetik bestera, Urresolak kalkulatu duenez. 

Zinemagileak eskerrak eman nahi izan dizkie filman parte hartu zuten aktoreei, “emakumeei batez ere, eurak baitira ikus-entzunezkoan pisu handiena hartzen dutenak”. Ilargi Molinillo gazte laudioarra agertzen da pelikulan, besteak beste. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide