“Toledoko Itunaren” ondorioen aurka kalera aterako dira Laudioko pentsiodunak

Aimar Gutierrez Bidarte 2020ko abenduaren 1a
Deskargatu Info Ahotsak :

Astelehenero elkarretaratzeak egiten jarraitzen du Pentsiodunen Mugimenduak / Airaldea.eus

Mobilizazioa deitu dute abenduaren 5erako. Toledoko Itunaren proposamenak “oso larriak eta kaltegarriak” direla salatuko dute.

Hego Euskal Herriko pentsiodunen mugimenduak mobilizazio eguna deitu du datorren abenduaren 5erako, larunbata. Laudion ere manifestazioa egingo dute, 12:30ean Lamuza Plazatik abiatuta.

 

Espainiako Kongresuak Toledoko Itunaren proposamenak berretsi berri ditu, pentsiodunen mugimenduaren iritziz itunaren ondorioak “oso larriak eta kaltegarriak izango dira, batez ere belaunaldi berrientzat”.

 

Pentsiodunen mugimenduak azaldu bezala, Toledoko itunean ez da oraindik 1.080 euroko gutxieneko pentsioa onartzen. Pentsioen zenbaketa 15 eta 25 urte artean mantentzea defendatzen du itunak, horrek, pentsiodunen aburuz, zenbaketa urteak luzatzeko bidea irekitzen du, pentsioen murrizketarekin batera.

 

Genero-arrakala ezabatzeko neurririk proposatzen ez dela salatu dute, ezta alarguntasun pentsioa igotzeko neurri zehatzik ere ez.

 

Laudioko pentsiodunen ustetan “Toledoko Itunaren” proposamenak pentsio-plan pribatuen alde egiten du, pentsio sistema publikoaren kalterako.

 

 

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide