Ander Añibarro Maestre Laudioko alkateak ordezkatuko du Josune Irabien Marigorta Amurrioko gobernuburu oihak EUDELen utzitako hutsunea. Izan ere, Josune Irabienek azaroan hartu zuen Eusko Jaurlaritzako Tokiko Administrazioekiko Harremanetarako eta Administrazio Erregistroetako zuzendari kargua.
15 alkatek osatzen dute EUDELeko gobernu organoa, Araba, Bizkaia eta Gipuzkoa ordezkatzeko. EUDELek nabarmendu dutenez, Ander Añibarrok "Batzorde Eragileko kide gisa, urteko azken bilkura telematikoan hartu du parte, elkarteburuarekin, bi elkarteburuordeekin eta gainerako alkateekin batera. Gaurtik aurrera, Laudioko alkateak funtzio berriak hartuko ditu udal-autonomiaren eta tokiko interesen defentsan; Euskadiko udalerrien ordezkari izango da erakunde-arteko hainbat foro eta taldeetan".
Ikasketaz erizaina da Añibarro Maestre, baina iaztik 2019. urteaz geroztik Laudioko alkatea da, 31 urterekin. Hortaz, "EUDELeko zuzendaritzako kide gazteena izango da", azpimarratu dutenez. Hala ere, Añibarrok udal politikagintzan egindako ibilbidea goraipatu du EAJk:
- 2015ean Laudioko zinegotzia izan zen EAJ alderdian.
- 2015-2019 urteen artean Aiarako Kuadrillako lehendakaria izan zen.
- 2017-2019 bitartean Eusko Jaurlaritzako Gazteria zuzendaria izan zen.
- 2017an Enplegu eta Gizarte Politiketako Saileko aholkulari izendatu zuten, eta 2019an Kultura eta Hizkuntza politika Sailekoa ere bai.