1.082 erabiltzaileren botoa pilatuta gailendu da Esti Urresola "urteko laudioarra" dinamikan. La Ventana de Laudio Facebookeko taldean urtero egiten dute "herri aitortza" hori.
Hautaketa prozesua
Alex Jimenezek azaldu gisa, abenduaren 13an ekin zioten boto faseari, eta atzo jakinarazi zuten emaitza. 2020. urteko laudioarra izendatu dute Esti Urresola. 2018an Hodei Oleaga omendu zuten, 2017an Felix Mugurutza, eta 2016an Geraxane Ussia. "Iaz atseden hartu ostean, laugarren edizioa izan da aurtengoa", zehaztu du Jimenezek.
Ondorengoak dira eskertza egiteko hautatu zituzten 20 laudioarrak, bizilagunek proposatuta:
- Esti Urresola
- Antonio Oyarzabal
- Ariadna Martinez
- Txani Rodrigez
- Egoitz Bernaola-Luxa
- Igor Arzuaga
- Esther Bolaño
- Aingeru Castro
- Alex Jimenez
- Ane San
- Tinieblas Gonzalez
- Joseba Ibarrola
- Javi Clemente
- Jose Julian Montes
- Jose Luis Navarro
- Patxi Iturregi
- Luis Larrea
- Antonio Aldama
- Hugo Bermejo
- Iñaki Vivanco
"Polvo somos", Esti Urresolaren azken lana, bihar ikusgai
Esti Urresolak sari eta aitortza ugari jaso ditu azkenaldian ikus-entzunezko lanengatik. Batetik, Deklinabideak filma laburra festibal askotan goraipatua izan da. Bestetik, berriki aurkeztu du Polvo somos ikus-entzunezkoa, eta dagoeneko hautatua izan da hainbat jaialditarako. Esaterako, bihar goizean Cortada jaialdian lehiatuko da, 11:00etan Gasteizeko Dendarabako VitalKultur aretoan. Ekitaldira joateko sarrera librea eta doakoa da, aforoa bete arte (ez da erreserbarik egin behar).