Ganekogortara igotzeko hegoaldeko bidea itxi dute, elur-jausiak gertatzeko arriskuagatik. Hala adierazi diote Laudioko Babes Zibileko arduradunek Aiaraldea Hedabideari.
Bide horretan elur ugari pilatu da azken orduetan, eta horregatik erabaki dute ixtea. "30 metroko arrakala bat dago, eta zuhaitzak dira elurra eusten ari direnak", zehaztu dute, "Ertzaintzaren patruila batekin igo gara eta zonaldea balizatu dugu. Gorago igo gara ere seinaleak jartzera. Izan ere, konturatu garenerako jende ugari tontorrean zegoen dagoeneko. Horrez gain, Alonsotegiko Babes Zibileko kideek ere itxi dute euren igoera zatia".
"Kontrabandisten bidea" izenarekin da ezaguna ibilbide hori. Ipar hegaleko bideak irekita jarraitzen du, ordea. Hala ere, suhiltzaileek zein larrialdi zerbitzuek menditik kontuz ibiltzeko deia luzatu dute:
ALONSOTEGI. Ganekogorta inguruan
— SOS Deiak - 112 (@112_SOSDeiak) January 6, 2021
Elurjauzi arrisku ondorioz, "ruta del contrabandista" bezala ezagutzen den bidea itxiko da.
****
ALONSOTEGI. Zona Ganekogorta
Por peligro de alud se va a proceder a cortar la "ruta del contrabandista" a la altura de la fuente del espino. #lurra pic.twitter.com/OzGISeNbws
Azken egunetan ugaritu egin da elur-jausien arriskua Aiaraldean. Ubixetan, adibidez, mota horretako gertakari baten ondorioak jaso dituzte bideoz:
Eguraldi aurreikuspena
Eukalmeten arabera, elur-kota 300-500 metrotan mantenduko da gaur, eta ez da gehienezko tenperaturetan aldaketarik egongo. Horrez gain, izozte txikiak egon daitezkeela ohartarazi du metereologia agentziak. Biharko, aldiz, ez du aparteko aldaketarik aurreikusi.