Erronka birtuala jarri dute abian Laudioko korrikalarientzako

Aimar Gutierrez Bidarte 2021eko urtarrilaren 8a

Parte-hartzaileek 7,5 kilometroko luzera eta 350 metroko desnibel positiboa duen ibilbidea osatu beharko dute. / Laudio Herria Herri Lasterketa

Generali orozko aseguru etxeak babesten du ekimena, eta korrikalariek martxoaren 21era arte erregistratu ahalko dituzte 7,5 kilometroko ibilbidea osatzeko baliatutako denborak.

Korrikalarientzako erronka birtuala prestatu dute Laudion: 7, 5 kilometroko luzeera eta 350 metroko desnibel positiboa duen ibilbidea. Zirkuitua Toki-On jatetxearen aurrean hasten da, Arraño mendia inguratu eta Odeibar jatetxean du amaiera.

Parte-hartzaileek “Kafe-kaña” izena jarri dioten ibilbidea deskargatu beharko dute, eta GPS erloju bidez edota STRAVA, Wicilock edo antzeko aplikazioak erabilita ibilbidea osatzeko behar izan duten denbora erregistratu.

Hainbat bide daude erronkaren marka bidaltzeko: mezu elektroniko bidez aritzamorrortu@generalimediadores.es edo elederzamal@gmail.com helbideetara igorrita, edo Whatsapp bat helarazita 688 856 744 telefono zenbakira.

Neguan zehar luzatuko dute ekimena. Martxoaren 21a izango da erronka betetzeko azken eguna. Irabazleak bi lagunentzako otordua irabaziko du, eta kirol material sorta bat zozketatuko da korrikalari guztien artean.

Antolatzaileek azpimarratu dute garrantzitsuena ez dela denbora on bat egitea, ibilbidea bukatzea baizik.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide