Ehundik gora lagun bildu dira gaur arratsaldean Laudioko Lamuza plazan egin den elkarretaratzean. Aiaraldeko Gazte Koordinadora Sozialistak -GKS- deitu du mobilizazioa, Pablo Haselen askatasuna exijitzeko.
Mobilizazio ugari egon dira Estatu Espainiarreko hainbat tokitan rap abeslari kataluniarraren askatasuna eskatzeko, eta hainbat zauritu eta atxilotu egon dira poliziak eginiko kargetan. Gauzak hala, atxilotutako pertsonak askatzea ere eskatu du GKSk, eta amnistiaren aldeko aldarria zabaldu du. “Burgesiaren erregimenari aurre egiteagatik errepresioa jasan duten horien egoerari aurre egiteko errebindikazio politikoa da amnistiarena. Horregatik, Pablo Haselen atxiloketaren aurrean amnistia aldarrikatzen dugu eta amnistiaren gaurkotasuna defendatzen dugu”.
Gaurkoa ez da Pablo Haselen alde Aiaraldean egiten den lehen ekimena. Abeslaria bi aldiz igo da Laudioko Gaztetxeko oholtzara. 2013. urtean eskaini zuen lehen kontzertua, Gazte Asanbladak antolatutako Jardunaldi Antikapitalisten barruan:
Handik urtebetera itzuli zen Hasel Laudiora, bere aldeko elkartasun eguna egin baitzuten Gaztetxean.