BIDEO ERREPORTAJEA

2 atxilotu, 6 identifikatu eta zenbait zauritu Tubacexeko langileen protestan

Ertzaintza piketean zeuden langileen aurka oldartu da zuzendaritzako kideen autobusa fabrikara sartu den unean, eta foam balak erabili dituzte.

Elkarretaratze jendetsua egin dute gaur Tubacexeko langileek Laudioko fabrikako sarrera nagusiaren aurrean. Goizeko lehen ordutik dozenaka pertsona batu dira errepidean. Beharginek buzo gorriz jantzita eta lurrean eserita oztopatu dute zuzendaritzako kideen autobusaren sarrera.

Ertzaintza bertaratu denean bizi izan dira lehen tentsio uneak. Polizia langileen aurka kargatu du, borrak eta foam balak erabilita. Ondoren, banan-banan atera ditu errepidetik lurrean eserita zeudenak, eta guztira sei lagun identifikatu ditu bidetik kentzeari ukatzeagatik. Autobusa agertu den unean, ordea, langileek hau inguratu eta Ertzaintzak kargatu egin du berriz.

Guztira 2 lagun atxilotu ditu poliziak eta Laudioko komisaldegira eraman ditu. Ikerketa zabalik dago oraindik, poliziak jakinarazi duenez. Zenbait langile zaurituak izan dira ere.

Esan sindikatu polizialaren oharra

Ertzaintzak, bere aldetik, 15 polizia zauritu direla aipatu du. Esan sindikatu polizialak oharra plazaratu du baliabide gehiago eskatzeko: "Ezin dira 24 agente bidali botila, makil eta harriekin armatutako 300 pertsona kontrolatzera". Eragileak Iñigo Cabacasen heriotzari egin dion erreferentzia, nabarmentzeko orduz geroztik ezin dituztela gomazko pilotak erabili, eta baliabideak falta zaizkiela. 

Langile eta zuzendaritzaren arteko bilera

10:30ean hasi da langileen ordezkarien eta zuzendaritzako kideen arteko bilera, azken horrek mahai gainean jarritako 150 kaleratzeen inguruan hitz egiteko.

Bihar Bilbora joango dira Tubacexeko langileak industria delegaritzaren aurrean protestatzera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide