Langileen arteko elkartasuna nagusitu da gaur goizean Tubacexeko Laudioko lantegiaren aurrean. Guardian eta Autoglas Laudioko beharginak bertaratu dira goizeko piketera, 150 kaleratzeen aurka borrokatzen ari diren grebalariei babesa eta elkartasuna adieraztera.
Aurreko egunetan ez bezala, presentzia poliziala oso txikia izan da goizean zehar, zuzendaritzako kideak ez baitira fabrikara bertaratu.
Guardineko greba hizpide
Guardian eta Autoglaseko kideek hartu dute hitza bertaratutako guztien txaloen artean, 2012an lantegian bizi izan zuten gatazkaren nondik norakoak azaltzeko. “50 egun baino gehiago egon ginen greban, eta azken unean fabrika abandonatuta zegoela zirudien”, oroitu dute. Fabrikako borroka herrian sozializatzearen garrantzia nabarmendu dute beharginek, “Aiaraldea osoa” delako arriskuan dagoena. "Horretan lan handia egin genuen guk, eta kasu honetan ere garrantzitsua da gatazka herrira eramatea".
Argazkiak: Aiaraldea.eus eta Tubacexeko langileak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide