La Union autobus enpresak Laudion duen lantegiko langileek oharra plazaratu dute Tubacexeko beharginei babesa helarazteko. La Unionekoen ustez, Aiaraldeak urteak daramatza “lanpostuen eta enpresen itxiera graduala sufritzen”. Horren adibide moduan jarri ditu Valvospaineko edota Tubacexeko egoerak.
Gauzak hala, “erabateko sostengu eta errespetua” helarazi nahi izan diete La Unioneko kideek Tubacexeko grebalariei. Era berean, bi gauza iradoki dizkiete arduradun politikoei: langile publikoak beste behargin batzuk borrekin jotzera ez bidaltzea eta langileen alde lerrokatzea, “noizbait behintzat”. Zuzendaritzari, aldiz, langileen ordezkariekin negoziatzea eskatu diote, “oraingo egoera ahalik eta modu egokienean konpontzeko”.
Bukatzeko, Aiaraldeko herritar guztiei luzatu diete egingo diren ekimen eta mobilizazioetara batzeko deia, “gaur Tubacexi gertatzen zaiona bihar beste edonori pasatu ahal zaigulako”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
