BIDEO ERREPORTAJEA

Poliziak langileak kolpatzen zituen bitartean sartu da Tubacexeko zuzendaritza kaleratzeak negoziatzeko azkenaurreko bilerara

Txabi Alvarado Bañares 2021eko martxoaren 9a

27 egun bete dituzte Tubacexeko langileek greban, zuzendaritzak ezarri nahi dituen 150 kaleratzeen aurka. Gaur izango da enpresako buruen eta Enpresa Batzordearen arteko azkenaurreko bilera. Atzo egin behar zuten, baina pikete feministak ez zien zuzendaritzako kideei fabrikan sartzen utzi.

Gaur Tubos Reunidoseko langileak ere bertaratu dira Laudioko lantegiko piketera. Iritsi direnerako bertan zegoen Ertzaintzaren Brigada Mugikorra. Poliziak sarreratik kentzeko eskatu die beharginei, baina hauek uko egin diote agindua betetzeari.

Gauzak hala, ertzainek borrak eta ezkutuak baliatu dituzte langileak kolpatu eta sarbidea errazteko, bai zuzendaritzaren eta zein bulegoetara lan egitera sartu nahi zuten langileen autobusari. Foam balen eskopetak ere baliatu dituzte, airera tiroak botatzeko. Horrez gain, pertsona bat identifikatu dute, gertatzen ari zena sakelakoarekin grabatzeagatik.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide