Tubacexeko grebaren 29. eguna polizia gehiagorekin hasi da, baina istilurik gabe

Aitor Aspuru Saez 2021eko martxoaren 11
Deskargatu Info Ahotsak :

None
None
None
None
None
None
None
None
None
None
None
None
None

Gaur bete da Tubacex enpresako langileek abiatutako grebaren 29. eguna, zuzendaritzak aurreikusitako 150 kaleratzeen kontra. Goizean Laudioko eta Amurrioko faktorietan sartu dira protesta jarraitzen ez dutenen autobusak. Ertzaintzak modu nabarmenean indartu du bere presentzia, furgoneta kopurua bikoiztuta.

Zehazki, poliziaren dozena bat ibilgailu agertu dira enpresako autobusak babesteko, grebalarien kopurua gaindituta. Dena den, ez da istilurik egon. Laudion gauez izan da sarrera eta Amurrion eguna argitu ostean.

Enpresako zuzendaritzaren eta sindikatuen arteko negoziazio epea atzo amaitu bazen ere, grebak aurrera jarraitzen du.

Dena ez da poliziaren presentzia izan gaurko greba egunean Tubacexen. Aiarako Suhiltzaileek Laudioko piketea bisitatu dute, eta ekarpen ekonomikoa egin dute erresistentzia kutxan:

Argazkiak: Aimar Gutierrez

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide