Andoitz Galdosek debuta egingo du asteburuan SD Leioa klubaren entrenatzaile postuan

Aitor Aspuru Saez 2021eko martxoaren 25a
Deskargatu Info Ahotsak :

Andoitz Galdosek kirol profesionalean jarraitzen du bidea egiten.

Andoitz Galdos laudioarra bilakatu da SD Leioa klubeko entrenatzailea. 2. B mailan egingo du debuta kirolariak aulkian, baina egoera zailean, taldea azkenengoa baita sailkapenean.

Andoitz Galdos izendatu dute SD Leioa klubeko lehen taldeko entrenatzaile. Laudioarrak hartu du Iker Bilbaok eta Luis Prietok aste honetan utzitako lekua eta erronka garrantzitsua izango du 2. B mailako II. taldean, Leioa azken sailkatua baita; partida bakarra irabazi du, 7 aldiz berdindu du eta 11 galdu.

Bilbao Athleticeko jokalari ohia ekainean heldu zen SD Leioara eta gazte kategoriako A taldea hartu zuen bere gain. Aurretik Deportivo Alaves klubean egon zen harrobiaren arduradun gisa.

Igandean izango da Galdosen debuta aulkian eta, hasteko, proba erabakigarria izango du. 18:00etan SD Leioak bere indarrak neurtuko ditu Barakaldorekin Lasesarreko futbol zelaian. Ezkerraldeko taldea azkenaurreko sailkatua da taulan eta jaitsiera postutan dago ere.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide