Oskar Matute kongresukideak aurkeztu du EH Bilduren 10. urteurreneko erakusketa

Oskar Matute eta Iñaki Ruiz de Pinedo kogresukideek bisitatu dute gaur Laudio EH Bilduren 10. urteurreneko erakusketarekin batera. Matutek Tubacex enpresako grebalarien borroka goraipatu du.

EH Bilduk 10 urte bete berri ditu eta erakusketa ibiltaria sortu du horretarako. Laudiora heldu da gaur eta arratsaldeko 19:00ak arte egongo da ikusgai. Araban amaituko du ibilbidea eta hori dela medio, koalizioak bi kongresukide ekarri ditu Laudiora: Oskar Matute eta Iñaki Ruiz de Pinedo.

Lamia Arkasek aurkeztuta, Oskar Matutek azaldu du EH Bilduren helburua dela herritarren bizi baldintzak hobetzea: "bereziki klase apalena". Zentzu horretan, goraipatu du Tubacex enpresako langileek abiatu duten greba eta gehitu du: "Eskualde hau argi izpia da guztiontzat, borroka eredua baita".

Aiaraldea Hedabideak galdetuta, Oskar Matutek iragarri du Tubacexeko grebalariei babesa erakustera etorriko dela berriro eskualdera.

Bide batez, EH Bilduk gogoratu du bere 10. urteurrena dela medio, dokumentala egin duela eta Laudion apirilaren 16an ikusgai egongo dela. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide