Txelis Letona laudioarra hil da gaur, 62 urte zituelarik. Letona EAJko militante historikoa izan da udalerrian, hainbat hamarkadaz aritu baita politikaren lehen lerroan. Ibilbide horretan, besteak beste, Laudioko alkategai izan zen. Horrez gain 2007-2011 eta 2011-2015 legealdietan zinegotzia izan zen Laudion.
Aiarako burukidea ere izan zen, eta ardura garrantzitsuak izan zituen alderdian, besteak beste Araba Buru Batzarrean.
EAJk adierazi du Letonaren heriotza albiste gogorra izan dela, eta bere izaera konprometitua eta laguntzeko prestutasuna goraipatu ditu.
Josune Irabien Amurrioko alkate ohiak eta Eusko Jaurlaritzako kideak, adibidez, hurrengo mezua zabaldu du Twitteren:
Gaur Txelis Letona joan zaigu. Urteetan ibilbide berean izan gara Biltzar Nagusietan eta eskualdean. Beti herriaren alde lan egiteko prest izan den alderdikide fina.Hutsune itzela uzten diguzu Txelis. Beti bihotzean.
— Josune Irabien (@josune_irabien) April 18, 2021
❤️❤️#Txelisletona pic.twitter.com/b63klFmqgU
Familiak, bere aldetik, eskerrak eman dizkie maitasuna erakutsi dioten lagun orori, baita emandako agurra ere.
Txelis Letonaren hileta bihar izango da Laudioko San Pedro Lamuza parrokian, 19:00etan.