Tubacexeko grebalarien aldeko zozketaren saria banatu du gaur Babes Zibilak

Aimar Gutierrez Bidarte 2021eko apirilaren 23a
Deskargatu Info Ahotsak :

Tubacexeko enpresa atarian egin dute sari banaketa. / Aiaraldea.eus

Zozketatatutako bigarren saria banatu dute gaur, Tubacexen bertan. Bildutako diru guztia erresistentzia kutxara bideratuko dute.

Tubacexeko grebalariak babesteko egindako bigarren zozketaren sari banaketa egin dute gaur Babes Zibileko kideek. Martxoan jarri zuten lehenengo zozketa abian eta, izandako arrakasta ikusirik, bigarrena antolatu zuten. 

Apirilaren 17an egin zuten zozketa, eta irabazleak 3 loteria dezimo eta hainbat produktuz osatutako saskia irabazi du. Sari banaketa Tubacexen bertan egin dute, zenbaki sariduna Laurak tabernan saldu baitzen. Saria Tubacexeko langile baten senideei egokitu zaie.

Babes Zibileko kideek 2.000 txartel saldu dituzte guztira. Bildutako diru guztia beharginek antolatutako erresistentzia kutxara bideratuko dute.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide