Landare truke azokaren lehenengo edizioa egin zuten iragan igandean -apirilak 25- Kirikiño atseden taldeko kideek, Laudioko Ellakuri auzoan duten baratzean. Hainbat lagun bertaratu ziren egitasmoaz gozatzera.
Landare trukeaz gain, bestelako ekintzak ere burutu zituzten: ipuin-kontalaria, musika emanaldia edota argazki erakusketa, besteak beste.
Ate irekiak
Duela bi urte abiatu zuten baratzaren ekimena Kirikiñoko kideek, eta auzolanean garatu dute proiektua. Maiatzaren 23an, 12:00etatik aurrera, ate ireki jardunaldiak burutuko ditu baratzeko lantaldeak espazioa ezagutu nahi duen ororentzat.
Uda sasoian baratzaz arduratuko den talde sendo bat osatzea da Kirikiñoren asmoa, "baliabiderik edo denbora gehiegi ez duten eta baratzaz ikasi eta gozatu nahi duten lagunekin".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide