Elkartasuna izan da nagusi Tubacexeko greba mugagabearen 85. egunean. Goizean dozenaka behargin batu dira Laudioko lantegiaren sarreran. Kaleratutako langileek ekarpen ekonomikoa egin diote erresistentzia kutxari, kalte-ordaina jaso eta laster langabezia kobratzen hasiko direlako.
Langile guztien arteko batasuna mantentzearen beharra nabarmendu dute ekitaldian.
Erresistentzia kutxa kudeatzen duten beharginek hartu dute hitza jarraian, kutxaren funtzionamenduari buruzko hainbat argipen egiteko. Dirua eskatzera animatzeko deia luzatu diete horretarako beharra duten langileei.
Ondoren, Babes Zibileko kideak eta Inauxako langileak bertaratu dira piketera, kutxan dirua sartzeko. Lehenengoek bi zozketa antolatu dituzte dirua biltzeko. Bigarrenek, aldiz, fabrikako beharginen artean bildu dute dirua.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide