Alberto Acero plazan orain arte jarrita egon den karpak “sabotaje larria” pairatu duela salatu du Laudioko Udalak. “Asteartean, aurreikusita zegoen bezala, karparen arduradunek egitura desmuntatu zuten eta egiaztatu zuten egitura eusteko eta ainguratzeko funtsezko elementuak lapurtu zituztela”, azaldu du tokiko erakundeak. Nabarmendu dutenez, pieza horiek “ezinbestekoak” dira egituraren segurtasuna bermatzeko. “Horregatik, nahita kendu direnez, arrisku larria sortu da aste luzez udalaren kultura-eskaintzaz gozatu duten herritarren osotasunerako”.
Udalak jakinarazi du hori ez dela izan azpiegiturak pairatu duen kalte bakarra. Duela aste batzuk karparen oihala eta ekitaldietarako erabiltzen den material teknikoa agertu ziren apurtuta.
Ander Añibarro alkateak salaketa jarri du Ertzaintzaren komisaldegian, eta gogor gaitzetsi du gertatutakoa, sabotaje horiek “laudioar espirituarekin” zerikusirik ez dutela eta udalerrian tokirik ez dutela azpimarratuta.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide