Hockey udalekuetan izena emateko epea bihar amaituko da

Aitor Aspuru Saez 2021eko maiatzaren 27a
Deskargatu Info Ahotsak :

Hockey Egunaren ospakizuna Laudion. / G. H. T.

Arabako Hockey Federazioak antolatzen du ekimena eta ekainaren 21etik uztailaren 30era bitartean luzatuko da.

Bihar agortuko da epea izena emateko Arabako Hockey Federazioak Laudion antolatutako udalekuetan. Euskarazko jarduera izango da eta plaza kopurua mugatua izango dute, talde bakoitzean 6 ume baino ez baitira egongo, begirale batekin. Hain zuzen, 2006. eta 2015. urteen artean jaiotako gazteentzako eskaintza da.

San Martin futbol zelaian egingo dira jarduerak ekainaren 21etik uztailaren 30era arte, 10:00etatik 14:00ak arte, eta astekako inskripzioak izango dira:

  • Astebete 90 euro
  • Bi aste 170 euro
  • Hiru aste 240 euro

Anai-arrebek %5eko deskontua izango dute. Izena emateko edo informazio gehiago eskatzeko udalekua@arabahockey.com helbidera idatzi edo 657 778 239 telefonora dei daiteke.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide