Kultur sorkuntza Aiaraldean

Malagako Zinemaldian lehiatuko da Esti Urresolaren 'Polvo somos' filma laburra

Esti Urresola, 'Polvos somos' lanaren grabaketan. / E.U

Euskal zinemagileen presentzia nabaria izango da Malagako Zinemaldian. Urresolaren zinta filma laburren sail ofizialean arituko da, eta Goya sarietarako sailkapen fasean egongo da.

Ostegunean hasi zen Malagako Zinemaldiaren edizio berria, eta bertan lehiatzen ari da Esti Urresola zinemagile laudioarraren Polvo somos lana. Ekainaren 13ra arte luzatuko da jaialdia, eta Goya sarietarako sailkatzeko aukera izango dute parte hartzaileek.

2020an Sirimiri Films ekoiztetxearekin plazaratu zuen Urresolak Polvo Somos filma laburra. 29 minutuko zinta da eta hileta baten bueltan berriz elkartzen diren familia bateko emakumeen asteburua du abiapuntu. Hainbat jaialdietatik igaro da dagoeneko zinemagile laudioarraren lana, Gasteizko Coartada jaialditik esaterako.

Euskal zinemagileak

Esti Urresola ez da izango Malagan egongo den euskaldun bakarra, 12 euskal zinemagilek edota ekoiztetxeek egindako lanak proiektatuko baitira guztira jaialdian.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide