San Juan erreka uholdeen aurrean babesteko plana aurkeztu du URA agentziak

Aimar Gutierrez Bidarte 2021eko uztailaren 3a
Deskargatu Info Ahotsak :

San Juan erreka Goikoplaza parean. / URA

Zumalakarregi eta Goikoplaza artean errekak duen hustubide-ahalmena handitzea izango da proiektuaren helburu nagusia.

San Juan erreka uholdeen aurrean babesteko proiektua aurkeztu du URA agentziak. Nerbioi ibaian uholdeei aurre egiteko proiektuaren barruan kokatutako lanak dira aurkeztutakoak

San Juan erreka "hiri-erreka" bat dela azaldu dute agentziako arduradunek, eta nabarmendu dute "azken zatian ibilgua oso eraldatua" dagoela. Ondorioz, errekak zabalera txikia dauka ur emari oparoei aurre egiteko. Gainera, errekari estaldura berri bat ezartzea aurreikusten du proiektuak, ibilguaren zatirik handiena aire zabalean utziz. Ibaiertzak atondu eta leheneratzeko asmoa du agentziak, "gaur egun erabat degradatuta baitaude".

Bide beretik, Altzarrateko zubia ordezkatzeko lanak epe laburrean hastea aurreikusi du agentziak, uholdeei aurre egiteko proiektuaren barruan.

Ingurumena Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide