Gaur goizean nahigabe piztu da Laudioko apustu etxeko alarma eta larrialdi zerbitzuek lagundu behar izan dute egoera bideratzen. Suhiltzaileek jakinarazi dutenez, lapurreten aurkako alarma piztu da lokalean nahigabe zerbitzari bat lanera sartu denean.
"Alarma mota horrek kea sortzen du lapurrek ez dezaten ezer ikusi, baina argi ez dagoen arrazoia dela medio, nahiz eta alarma itzali, ez zion uzten kea eragiteari", azaldu dute Aiarako Suhiltzaileek.
Izan ere, udaltzainak izan dira lehenengoak lekura heltzen, baina alarma desaktibatu ezin zutenez, suhiltzaileen laguntza eskatu dute. Dagoeneko bideratuta dago arazoa.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
