“Agerraldi garrantzitsua” egingo dute Aiaraldeko Erresistentzia Kutxako kideek bihar (osteguna). 11:30ean izango da zita, Tubacexen Laudioko lantegiaren aurrean. Deialdi irekia izango da, eta ahalik eta jende gehien bertaratzeko deia egin dute, “eskualdeko erantzuna” irudikatzeko. “Orain inoiz baino gehiago, Tubacexeko langileak beren lanpostuetara bermeekin bueltatu daitezen exijitzen dugu, eta epaiek emandako sententzia betetzea eskatu”, adierazi dute prentsari bidalitako oharrean.
Tubacexeko grebalari talde batek kudeatzen Aiaraldeko Erresistentzia Kutxa. Greban dauden lankideei sostengu ekonomikoa ematea da tresnaren helburua, eta dozenaka ekarpen jaso ditu azken hilabeteetan. Besteak beste, zozketa ugari egin dira kutxa diruz hornitzeko. Modu horretan, dozenaka langileri lagundu diete ekonomikoki.
Zozketa berria abian
Orain, zozketa berri bat abiatu dute Erresistentzia Kutxako kideek, datozen asteetan kaudimen ekonomikoa izatea berebizikoa izango dela aurreikusten baitute. Eskualdeko hainbat tabernetan jarri dituzte txartelak salgai:
