Hasi da Latiorroko Ikastetxeko uralita erretiratzeko obra

Latiorroko Ikastetxetik uralita kentzen ari dira. / Fontso Larrazabal

800.000 euro inguru inbertitu dira, eta obrak ikasturte hasierarako amaitzea aurreikusi dute.

Badira 20 urte Laudioko Latiorro Ikastetxea berde koloreko txapa metalikoak instalatuz birmoldatu zenetik, urteak pasa ahala beharrezkoa bilakatu baitzen. Baina uralita ez zuten kendu. Orduan, 2013an, Laudioko Udalak ikerketa enkargatu zion enpresa espezializatu bati, eta amiantoz eginiko material hori topatu zuten herriko hainbat hezkuntza zentrotan. Garrantzitsua da amiantoa kentzea, mineral horrek birikietako minbizia sor dezakeelako epe luzean.

Hezkuntza Sailak 800.000 euro inguruko inbertsioa egin du Latiorroko hezkuntza zentroko uralita erretiratzeko. Obretan murgilduta daude une honetan, eta lanak ikasturte hasierarako amaitzea aurreikusi dute.

Aipatzekoa da dagoeneko material mota hori beste ikastetxe batzuetatik ere kendu dutela, hala nola Aretako Fabian Legorburutik edota Laudio Ikastolaren eskolaurreko eraikinetik, baita Latiorro Ikastetxeko zenbait tokitatik ere.

Horrez gain, aparteko hobekuntzak sustatuko ditu udalak, 200.000 euro inguruko inbertsioaz baliatuz, Aretan, Lamuzan eta Latiorron bertan. Azken honetan saskibaloi pista bat asfaltatuko da, patioa konponduko da eta 'Ortega y Gasset' eraikineko argiak aldatuko dira.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide