Belar hockeyko Realak Donostian du zelaia, eta bertan entrenatzen du beti. Baina atzo goizean Laudion agertu zen talde Gipuzkoarra. Izan ere, euren zelaian obretan ari dira, eta beste leku batera mugitu behar izan dira, hobekuntzak bukatu arte. Aurreikusi dutenez, taldea bi aste barru egongo da bueltan Gipuzkoako hiriburuan, liga hasi baino lehen.
Hurbiltasuna aztertuta, badirudi bi aukera zituztela: Getxo eta Laudio. Azkenean eskualdera etortzea erabaki zuten.
Iván Lorenterekin aritu gara, ekainetik talde txuriurdinaren entrenatzailea denarekin. Laudioko Gardea auzoko belar hockey zelaian entrenatzeak sentsazio positiboak utzi dizkio: “Donostian, hiri barruan entrenatzera ohituta gaude, eta hemen mendiz inguratuta entrenatzea... leku polita da”.
Taldea goizero hurbilduko da Laudiora autobusez, eta entrenamendua eta gero itzuliko da Gipuzkoara. Lorenteren taldearen bi aste hauetako plana liga prestatzea da, irailaren 19an hasiko baita, hilabete barru.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide