BIDEO ERREPORTAJEA

Ekintza kulturalez jositako asteburua bizi izan dute Laudion

Ekintzaz jositako asteburua izan da honakoa Laudion, abuztuan zehar luzatu den KultUda programazioaren barruan. Musikak, buruhandiek zein herri-kirolek girotu dituzte herriko kaleak.

Jardueraz betetako asteburua izan da honakoa Laudion. Udalak hainbat ekitaldi antolatu ditu KultUda programazioaren barruan. Hain zuzen ere, igandea -abuztuak 29- izan zen ekintza gehien bildu zituen eguna.

Herriko abesbatza taldeek girotutako meza batekin hasi zen, Laudioko Jaietako Kofradia Eguna izan beharko litzatekeena. Eguerdian buruhandi eta erraldoiak atera ziren plaza erdira. Kalejiran ateratzeko aukerarik izan ez zuten arren, Galtzagorri koadrilako kideek buruhandien azpian gordetzen diren sekretuak argitu zizkieten Herriko Plazan elkartutako haurrei.

13:00etan San Roke Udal Musika Bandak jendetza batu zuen Aldai Plazan. Queen musika talde ezagunaren abestietan oinarritutako abestiez osatutako emanaldia eskaini zuen bertan.

Arratsaldean zaldi proben bigarren jardunaldia jokatu zen udal probalekuan. Igandekoan hiru izan ziren euren zaldiekin lehiatu ziren bikoteak.

Eguna borobiltzeko, Malen Atxa igo zen Herriko Plazako oholtzara. Herritar ugari hurbildu ziren sortzaile gaztearen emanaldiaz gozatzera. Matx sortzaile gazteak duela hilabete gutxi eskaini zuen bere estreinako kontzertua, eta hilabete hauetan zehar hainbatetan igo da eskualdeko agertokietara.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide