Aurrera doa Uraren Euskal Agentzia Laudioko Altzarrate zubian egiten ari den uholdeen aurrean babesteko lanekin, Nerbioi ibaian arlo hidraulikoa hobetzeko jardueren barruan. Ekainean hasi zen kaltetutako zerbitzuen desbideratzea eta orain hasi dira zubia eraisteko lanekin.
Obraren hurrengo urratsa hormigoi eta altzairuzko zubi bat eraikitzea da, 25 metroko argia eta 18 metroko zabalera izango duena. Zubi horrek ez du euskarririk izango ibilguan, eta oinezkoen eta ibilgailu motordunen trafikoa hartuko du, orain arte bezala. Halaber, azpiegitura berriak zerbitzu berriak jartzea eta erabilera berriak egokitzea ahalbidetuko du; hala nola, hondakinen bilketa pneumatikoa.
Aurrekontuari dagokionez, Altzarrateko zubiaren egokitzapen hidraulikorako obran 1.599.684,22 euro baliatuko zituztela kalkulatu zuten, eta 7 hilabeteko epea aurreikusi zuten. Zubi berriak aise jariatuko ditu uholde handietako emariak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
