ARGAZKIAK

Eusko Jaurlaritzaren aitortza jaso dute Aiaraldeko 13 enpresa berritzailek, Aiaraldea Kooperatiba Elkartea tartean

Eusko Jaurlaritzaren ziurtagiria jaso dute Hazinnova programan parte hartu duten Aiaraldeko 13 enpresa txiki eta ertainek. Laudioko Kasinoan ekitaldia egin dute horretarako. Bertan izan dira, besteak beste, Jaurlaritzako Eraldaketa Digitalaren eta Ekintzailetzaren zuzendaria eta Enpresa Berrikuntzako koordinatzailea.

SPRI Taldeak eta Innobasque Berrikuntza Agentziak abian jarritako Hazinnova programan parte hartu duten Aiaraldeko 13 enpresari aitortza egin diete gaur goizean Laudioko Kasinoan egindako ekitaldian. Bertan egon dira Leyre Madariaga Jaurlaritzako Eraldaketa Digitalaren eta Ekintzailetzaren zuzendaria eta Gotzon Bernaola Enpresa Berrikuntzako koordinatzailea. Hauekin batera, programan aholkularitza eskaini duten eragileetako ordezkariek ere hartu dute parte: Laudioko Udala, Arabako Merkataritza Ganbera eta Elikadura Klusterra.

Eskualdeko 13 enpresa horiek euren produktuetan edota negozio-prozesuetan berrikuntza sustatzeko hartutako neurriak goraipatu ditu gobernuak. Leyre Madariagak nabarmendu duenez, EAEko berrikuntza-indizea Europar Batasuneko bataz bestekoaren gainetik dago lehen aldiz, eta enpresa txiki eta ertain guztiek bide horretan egindako ekarpena goraipatu du.

Hauek dira Aiaraldean Eusko Jaurlaritzaren aitortza jaso duten enpresa txiki eta ertainak:

  • Destilerias Manuel Acha S.A.
  • E-Block Energy Trade S.L.
  • Aiaraldea Kooperatiba Elkartea
  • Autocares Soborn S.L.
  • Gometegui Industrial S.L.
  • Grafik Sarea S.Coop
  • Imegar S.A.
  • Iza Ascensores S.L.
  • Lro-Kun S.L.
  • Servicios Integrales de Rótulos Nervión S.L.
  • Talleres Abasolo S.A.
  • Tecnicos del Confort Electrico S.L.
  • Uriarte Iturrate S.L.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide