EUROPAKO GAZTEEN TXAPELKETA

Euskal selekzioarekin lehiatuko da Aimar Amondo Herbereetan, Europako Gazteen Txapelketan

Izar Mendiguren Cosgaya 2021eko urriaren 21a
Deskargatu Info Ahotsak :

Euskal Selekzioak hautatu du hirugarrenez Aimar Amondo. / Herriaren P.E

Urriaren 21etik 24ra jokatuko dute Europako Gazteen Txapelketa Herbereetan (Holanda). 

Hirugarrenez arituko da Aimar Amondo laudioarra Europako Gazteen Txapelketan. Herbeheretara bidaiatuko du horretarako datozen egunetan, urriaren 21etik 24ra ospatuko baita bertan Europako Gazteen Txapelketa hiru modalitateetan: One Wall, Nazioarteko Jokoa eta Llargues. Hala jakinarazi du Herriaren Pelotazale elkarteak, eta pilotaria zoriondu du sare sozialetan: "Erronka polita gure pilotariarentzat, hirugarrenez arituko baita euskal selekzioarekin pilota joku zuzenetan eta ONE WALLen".

Hain zuzen, Frisia izango dute topaleku, eta bertan igaroko ditu Amondok datozen egunak. "CIJB-k, Nazioarteko Esku Pilota Konfederazioak, antolaturiko EUROJOVE-n hartuko du parte beste 13 euskal pilotarirekin batera", erantsi du Aretako kirol elkarteak. 
 
2015ean Valentzian  izan zen lehiaketa, eta ordukoan ere aritu zen norgehiagokan aiaraldearra. 2017an, berriz, Moitan elkartu ziren Europako gazteak (Portugal), "urte haietako EUROJOVEetan".
 
Europako Gazteen Txapelketan 6 nazio ordezkatuko dituzte kirolariek: Ingalaterra, Frantzia, Belgika, Herbehereak, Italia, Valentzia eta Euskal Herria. 

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide