Kultur sorkuntza Aiaraldean

Erabilera anitzeko aretoa bete zuen Amado Gomez Ugarteren liburuaren aurkezpenak

Aitor Aspuru Saez 2021eko urriaren 23a

Amado Gomez Ugarte idazleak Laudioko udal erabilera anitzeko aretoa bete zuen atzo El agente extranjero liburuaren aurkezpenean. Txani Rodriguezek gidatu zuen ekitaldia, zenbait galdera eginda egileari.

Aurkezpena Txani Rodriguezentzako txalo zaparradarekin hasi zen, Euskadi Literatura Saria irabazteagatik, eta horren ostean Amado Gomez Ugartek azaldu zuen zerk eraman zuen liburu berria idaztera. Politikari, zentsurari, sare sozialei eta gizartean joera eskuindarra indartzeko ahaleginari buruz mintzatu zen idazle laudioarra.

Gero, idazketa prozesuari berari buruz aritu zen Gomez Ugarte eta publikoaren artean, irakurle batek eskertu zion itxialdi garaian Facebooken kontakizun laburrak argitaratzea. Parte-hartzaileen artean eskualdeko kultura sektoreko hainbat ezagun egon ziren, musika, literatura edota poesia sortzen dutenak.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide