Lamuza Kiroldegiko igerilekuak aldi baterako itxi dituzte, bakterio bat topatu dutelako uretan

Txabi Alvarado Bañares 2021eko urriaren 28a

48 ordu egongo dira igerilekuak itxita gutxienez. / Aiaraldea.eus

Urriaren 25ean egin zen uraren kalitatea kontrolatzeko azterketa, eta orduan detektatu zuten bakterioa. Udaletik ziurtatu dutenez, mikroorganismo hori maiz agertzen da hezeguneetan.

Lamuza Kiroldegiko igerilekuak aldi baterako itxi dituzte, uretan pseudomona aeruginosa izeneko bakterioa topatu dutelako. Astelehenean egin zuten uraren kalitatearen azterketa (legeak maiztasun zehatz batekin egitera derrigortzen duena), eta orduan topatu zuten mikroorganismoa.

Hainbat neurri aplikatuko dituzte orain: ontzien eta iragazkien garbiketa, hiperklorazioa eta uraren birzirkulazioaren handitzea. 48 ordu barru uraren beste lagin bat aterako dute, bakterioa desagertu den ikusteko. "Neurri horiek eragina dutenean, udal-administrazioak igerilekuak berriz irekitzeari buruzko informazioa emango du", azaldu dute gaiari buruzko prentsa oharrean.

Joseba Amondo zinegotziak argitu duenez, pseudomona aeruginosa maiz agertzen da igerilekuak bezalako hezeguneetan. Tokiko erakundeak nabarmendu du Laudiokoa ez dela kasu isolatua izan. "Izan ere, Gasteizko Aldabe igerilekuak arrazoi berarengatik itxi behar izan zituzten iazko uztailean".

Jendartea Laudio

Erlazionatuak

Laudioko Udalaren oharra, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide