APILL merkatari eta ostalari elkarteak 2.000 euroko hiru bono zozketatu ditu, Laudioko 73 komertzioen parte hartzearekin. Irabazleek goiz bakarra izan dute lortutako bonoa udalerriko dendetan trukatzeko.
Laudioko komertzioa sustatzeko helburuarekin, aurten ere, erosketa karruselak antolatu ditu APILL merkatari eta ostalari elkarteak. 2.000 eurotan baloratutako hiru erosketa bono zozketatu dituzte. Irabazleek goiz bakarrean gastatu behar zuten bonoa, ekimenean parte hartu duten herriko 73 saltokietan.
Irailaren 30ean, urriaren 14an eta atzo bertan, urriaren 28an, egin dituzte erosketa karruselak. APILLek oso positiboki baloratu du Eusko Jaurlaritzako Turismo, Komertzio eta Kontsumo Sailak babestutako ekimenak herrian izandako arrakasta. Izan ere, 15.000 txertel baino gehiago bildu dituzte hiru zozketetan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide