ASVIAMIE Aiaraldea gaur deitu diren mobilizazioetara batu da Laudion, Aldai plazan, eginiko elkarretaratzearekin. 12:00etan aldarrikatu dute amiantoaren biktimak laguntzeko konpentsazio funtsa ez dela oraindik sortu. Neurri hori hartzea adostu zuen Espainiar Kongresuak apirilean, baina Gobernuak ez du ekimena gauzatu.
Elkarretaratzea egin du ASVIAMIE Aiaraldeak gaur eguerdian Aldai plazan, osteguneko azoka probestuz. Elkarteak aldarrikatu du premiazkoa dela amiantoaren biktimentzako konpentsazio funtsa sortzea. Halaber, salatu dute Espainiar Gobernuak ez duela hori jaso bere aurrekontuetan.
Amiantoa minbizia sortzen duen materiala da eta Aiaraldean zein Euskal Herri osoan baliatu zuten hainbat enpresek hamarkada luzez. Industrian erabili bazen ere, ez ditu langileak soilik kaltetu. Izan ere, beharginen arropak garbitzen zituzten emakumezkoak ere gaixotu dira.
Gaitzak hamarkaden ostean garatzen direnez, amiantoarekin lan egin zuten hainbat enpresa itxita daude jadanik eta, horren ondorioz, ezinbestekotzat ikusten dute kaltetuen elkarteek konpentsazio funtsa sortzea. Kolore politiko askotako jendea elkartu da Aldai plazan, Tubos Reunidoseko enpresa batzordeko kideak, besteak beste.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide