ARGAZKIAK

Azaroaren 20an Bilboko kaleak betetzeko deia zabaldu du Oskar Matutek Laudion

Aimar Gutierrez Bidarte 2021eko azaroaren 13a

Laudioko Aldai Plazan solasaldia eskaini zuen atzo Oskar Matutek, Espainiako Kongresuko EH Bilduko diputatuak. Orotariko gaiak izan zituzten hizpide: euskal presoen egoera, elektrizitatearen garestitzea edota Tubacexeko langileen greba mugagabea.

Laudio bisitatu zuen atzo Oskar Matute EH Bilduko Espainiako Kongresuko diputatuak. Koalizio abertzaleak azaroaren 20an Bilbon egingo duen manifestazio nazionalaren deialdia indartzeko probestu zuen ekitaldia.

Matutek orotariko gaiak izan zituen hizpide solasaldian, hala nola, elektrizitatearen prezioaren garestitzea, pentsioen erreforma edota espetxe politika. Tubacexeko langileen greba mugagabea ere izan zuen gogoan diputatuak, eta Arantxa Tapiaren azken adierazpenak kritikatu zituen: "Tubacexeko langileek asko egin dute lan-eskubideen alde. Langileen antolaketa eta sindikatuen lana oso beharrezkoa da. Langileen borroka funtsezkoa da".

Ekitaldia azaroaren 20an Bilboko kaleak betetzeko mezuarekin itxi zuen Oskar Matutek: "Aske eta berdinen Euska Herria eraiki nahi dugulako, azaroaren 20an Bilboko kaleak betetzera goaz! Izan zirelako gara eta garelako izango dira!".

Argazkiak: EH Bildu Laudio

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide