Aste honetan aktibatuko dituzte abiadura neurtzeko radarrak Laudion

Laudioko Udalak piztuko duen radarretako bat. / Aiaraldea.eus

Aste honetan hasiko dira isunak jartzen 30 kilometro orduko abiadura gainditzeagatik, Laudioko Udalak jakinarazi duenez.

Laudioko Udalak Hiri Mugikortasun Iraunkorraren Plana egiteko prozesua abiatu zuen eta, besteak beste, detektatu zuen herriko zenbait tokitan baimendutako abiadura gainditzeko joera zutela gidariek.

Herritarren kexak aintzat hartuta, eta egungo araudiaren arabera, Laudioko Udalak adierazitako abiadura-mugetara egokitu ditu kale horiek, radar finkoak ezarrita, eta aste honetatik aurrera hasiko dira isunak jartzen.

Tokiko erakundeak gogoratu du Gioenurin, udako igerilekuen ondoan, eta Karmengo Amaren kalean, Fleming doktorearen kalearen parean daudela bi gailuak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide