Harrizko bi balkoi erori ziren atzo Laudioko herrigunean, baina ez zuten zauriturik eragin

Harrizkoak dira balkoiak. / Aiaraldea.eus

Atzo 10:00ak aldera erori ziren harrizko balkoiak Karmen kaleko 1. zenbakian baina, zorionez, ez zuten oinezkorik jo.

Atzo istripu larria gertatzeko zorian egon zen Laudioko herrigunean, Karmen kaleko 1. zenbakiko eraikineko bi balkoi jausi zirenean. 10:00ak aldera jazo zen ezustea eta, zorionez, ez zegoen oinezkorik inguruan. Zehazki, balkoi bat askatu zen guztiz, eta baita bestearen zati handi bat ere.

Jakin bezain pronto, Udaltzaingoa bertaratu zen eta tokia inguratu zuen zinta batekin. Halaber, udaleko Zerbitzu eta Obra Saileko arduradunekin jarri zen harremanetan polizia.

Udal langileek begiratu zituzten eraikin bereko balkoiak, ziurtatzeko ez daudela erortzeko arriskuan. Halaber, prozedura ireki zuten higiezinaren jabea behartzeko eraikinaren premiazko ikuskaritza teknikoa egitera ahalik eta lasterren.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide