Aiaraldera iritsi da Gurutze Gorriaren “Somos Go” programa. Gazteei lana bilatzen laguntzea da proiektuaren xedea.
Lau ardatz izango ditu programak:
- Formazioa: Orientazioa eta baliabideak emango dizkie Gurutze Gorriak formazioa jaso nahi duten gazteei.
- Lana: Hainbat gauzetan lagunduko die programak parte hartzaileei: Curriculuma osatzen, gaitasun digitalak bereganatzen, edota enplegu atarietan eta aldi baterako lanerako enpresetan izena ematen, besteak beste.
- Bitartekaritza: Aurreko bi ardatzak jorratu ondoren, bitartekaritza lanak egingo ditu Gurutze Gorriak, eskualdeko lantegiekin eta aldi baterako lanerako enpresekin dituen aliantzak ustiatuta.
Gauzak hala, bi pausotan garatuko dute programa. Gazteen “enplegarritasuna” indartuko dute lehenbizi, lana bilatzen laguntzeko gero.
Parte hartzaileek hiru ezaugarri izan beharko dituzte: 16 eta 29 urte artean izatea, ikasten edo lanean ez egotea eta lan egiteko baimena izatea. Interesdunek Aiaraldeko Gurutze Gorriaren egoitzetan eman dezakete izena.
Erakundeak nabarmendu du 18 eta 29 urte bitarteko gazteen langabezi tasa %28koa dela Araban, eta prekarietatea eta aldi baterako lanak direla nagusi.