Zita garrantzitsua izango dute bihar Herriaren Koldo Reinaldo eta Aimar Amondo pilotariek. Arabako Txapelketako eskuz banakako finala jokatuko dute Herriaren elkarteko bi gazteek Ogetako pilotalekuan, arratsaldeko lauretatik aurrera.
Reinaldoren txanda izango da lehenbizi. Gaztetxoen kategorian lehiatuko da eta David Palacios gasteiztarra izango du aurkari. “Gasteizko pilotaria indartsua da oso baina gure pilotariak badaki zer egin behar duen une bakoitzean” ziurtatu dute Herriaren taldeko kideek. Finala “gogorra” izango dela aurreikusi dute: “huts gutxien egiten duenak eramango du txapela”.
Jaialdiko hirugarren norgehiagoka izango da Amondorena. 22 azpiko kategorian lehiatuko da Markel Arriolabengoaren aurka. “Biak dira antzerako pilotariak; atzean aritzen direnak, indartsuak. Bi hauen artean nagusitzen denak eta aurrean gehien asmatzen duenak lortuko du txapela janztea”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
